BAKI, 19 mart. TELEQRAF

İranın ədliyyə naziri Ermənistanın Tehrandakı səfiri ilə görüşüb.

Teleqraf xəbər verir ki, bu barədə "Azad İran” teleqram kanalı məlumat yayıb.

Bildirilib ki, İranın ədliyyə naziri Əmin Hüseyn Rəhimi Ermənistanın İrandakı səfiri Qriqor Akopyanla Tehranda bir araya gəlib.

Məlumata görə, görüşdə İran və Ermənistan arasında uzunmüddətli, mədəni və tarixi əlaqələrə toxunan nazir Pezeşkian hökumətinin siysətinin xüsusilə qonşu ölkələrlə münasibətlər və dostluq əlaqələrini inkişaf etdirmək olduğunu dilə gətirib.

İranlı nazir qeyd edib ki, ölkəsi qonşu ölkələrlə ikitərəfli əlaqələrin inkişaf etdirilməsində heç bir məhdudiyyət görmür.