BAKI, 8 sentyabr. TELEQRAF

Xalq artisti Sərdar Fərəcov 6 sentyabr 2025-ci il tarixində saat 15:10 radələrində Mərkəzi Neftçilər Xəstəxanasına hospitalizasiya olunub.

Bu barədə Teleqraf-a TƏBİB-dən məlumat verilib.

Bildirilib ki, Xalq artistinə kəskin miokard infarktı, mədə-bağırsaq qanaması və kəskin ürək çatışmazlığı diaqnozları təyin olunub. Zəruri laborator və instrumental müayinələr icra olunub.

Hazırda onun müalicəsi Reanimasiya şöbəsində davam etdirilir.

Xəstənin ümumi vəziyyəti ağır olaraq qiymətləndirilir.

Huşu aydın, hemodinamik göstəriciləri stabildir.

***

11:39

BAKI, 8 sentyabr. TELEQRAF

Üç gün əvvəl Xalq artisti Sərdar Fərəcov Mərkəzi Neftçilər Xəstəxanasının reanimasiya şöbəsinə yerləşdirilib.

Bu barədə Teleqraf-a açıqlamasında Xalq artisti, Üzeyir Hacıbəylinin Ev Muzeyinin direktoru Sərdar Fərəcovun qızı Selcan Heydərova bildirib.

"Atamın səhhəti stabil olaraq qalır. O, ürək və böyrək çatışmazlıqlarından əziyyət çəkir",- S.Heydərova deyib.

Qeyd edək ki, Sərdar Fərəcovun 68 yaşı var. O, Azərbaycanın fəxri mədəniyyət işçisi, Azərbaycan Respublikası Prezidentinin fərdi təqaüdçüsüdür. Eyni zamanda Azərbaycan Bəstəkarlar İttifaqının katibidir.