SAMUX, 20 iyun. TELEQRAF

2030-cu ilə qədər yeni intensiv meyvə bağlarının salınması nəzərdə tutulub. Proqramda ərik bağlarının salınması da mühüm yer tutur.

Bu barədə Teleqraf-ın Qərb bürosuna Samux rayonunda keçirilən üçüncü ərik fedtivalında iştirak edən kənd təsərrüfatı nazirinin müavini Seymur Səfərli bildirib. O əlavə edib ki, əsas məqsəd fermerlərin imkanlarını daha da genişləndirməkdir.

"Samuxun əkinçilik və bağçılıq istiqamətində böyük potensialı vardır. İstər ölkə daxilində, istərsə də xarici bazara çıxmaq üçün imkanları mövcuddur. Kənd Təsərrüfatı Nazirliyi olaraq daim fermerlərin yanındayıq. Onların dövlət dəstəyi ilə təmin olunması, eyni zamanda beynalxalq bazara çıxış üçün sertifikatlaşma, emal müəssisələrinin qurulması kimi dəstəyimiz davam edəcək"