BAKI, 13 mart. TELEQRAF
Azərbaycanın tədiyə balansının cari əməliyyatlar balansının profisiti azalıb.
Teleqraf Azərbaycan Mərkəzi Bankına istinadən xəbər verir ki, 2024-cü ildə tədiyə balansının cari əməliyyatlar balansının profisiti 4,7 milyard ABŞ dolları olub.
Bu, 2023-cü illə müqayisədə 3,6 milyard dollar və ya 43 faiz azdır.
Nəticədə, cari əməliyyatlar balansı 2023-cü ildə Ümumi Daxili Məhsulun 11,5 faizini təşkil edirdisə, 2024-cü ildə bu göstərici 6,3 fiazə düşüb.
Cari əməliyyatlar balansına ölkənin xarici ticarət balansı, xidmətlər balansı, ilkin gəlirlər balansı və təkrar gəlirlər balansı daxildir.
