SALYAN, 14 iyul. TELEQRAF

Salyanda güclü yanğın baş verib.

Teleqraf-ın yerli bürosunun xəbərinə görə, yanğın rayonun Xələc kənd yolunun üstündə baş verib.

Yanğın zamanı yol kənarında olan ağaclar və yaşayış evlərinin həyəti yanıb.

Hazırda əraziyə FHN-nin Salyan rayon üzrə yanğınsöndürən briqadasının əməkdaşları cəlb ediliblər.

Havanın temperaturunun yüksək olması yanğının səbəbi kimi göstərilir.

Yanğın zamanı transformatorun kabelləri də sıradan çıxıb.

Faktla bağlı araşdırma başlanıb.