BAKI, 18 dekabr. TELEQRAF

Qəsdən adam öldürməkdə şübhəli bilinən şəxs tutulub.

Bu barədə Teleqraf-a Qusar rayon prokurorluğundan məlumat verilib.

Dekabrın 16-da Qusar rayon sakini Diana Təyibovanın öldürülməsi barədə rayon prokurorluğuna məlumat daxil olub.

Araşdırma zamanı rayonun Hil kənd sakini Asif Təyibovun Diana Təyibovanı qəsdən öldürməsinə əsaslı şübhələr müəyyən edilib.

Faktla bağlı Qusar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

A.Təyibov rayon prokurorluğu tərəfindən şübhəli şəxs qismində tutulub.

İbtidai istintaq davam etdirilir.

Qeyd edək ki, Asif Təyibov Diana Təyibovanın keçmiş həyat yoldaşıdır.