BAKI, 17 iyul. TELEQRAF

İsrailin aqressiv addımları onun sülh və sabitlik istəmədiyini göstərir və bu, bölgədə təhlükə mənbəyidir.

Teleqraf xəbər verir ki, bu barədə Türkiyənin xarici işlər naziri Hakan Fidan bildirib.

O deyib ki, İsrail yalnız Fələstində deyil, həm də Livan, Suriya və İranda aqressiv siyasət yürüdür.

"İsrail sülh və sabitlik istəmir, bu isə bölgədəki etnik bölünmələri daha da artırır", - nazir vurğulayıb.

Fidan əlavə edib ki, Fələstin xalqının qanuni hüquqlarının tanınması və müstəqil Fələstin dövlətinin yaradılması Yaxın Şərqdə sülhün təminatı üçün əsasdır.