BAKI, 5 aprel. TELEQRAF
ABŞ-nin tətbiq etdiyi yeni gömrük rüsumları beynəlxalq tədarük zəncirlərində ciddi dəyişikliklərə səbəb olacaq və bu prosesdə Türkiyə əsas tranzit ölkəyə çevrilə bilər.
Teleqraf xəbər verir ki, bu barədə TASS agentliyinə Ankaradakı maliyyə sektorundakı mənbə məlumat verib.
“Hazırda ABŞ-nin yeni ticarət siyasəti ilə bağlı pozitiv perspektivlər görürük. Amerika administrasiyasının bu addımları beynəlxalq logistika və tədarük zəncirlərinə təsir göstərəcək. Bu zəncirlərin əhəmiyyətli hissəsi Türkiyəyə yönələcək. Burada sadə riyazi məntiq işləyir”, - mənbə bildirib.
Məlumata görə, ABŞ-nin gömrük rüsumlarının tətbiq olunduğu siyahıda Rusiya yer almayıb. Bu, hazırda iki ölkə arasında faktiki ticarət əlaqələrinin olmaması ilə əsaslandırılıb.
Türkiyənin vitse-prezidenti Cevdet Yılmaz da “CNN Türk” kanalına açıqlamasında qeyd edib ki, “Türkiyə üçün müəyyən edilmiş 10 faizlik gömrük rüsumları Amerika bazarına çıxmaq perspektivləri baxımından respublikanın maraqlarına uyğundur.
