BAKI, 5 aprel. TELEQRAF

Rusiyanın 9 regionu üzərində Ukrayna Silahlı Qüvvələrinə məxsus 49 pilotsuz uçuş aparatı (PUA) məhv edilib.

Teleqraf xəbər verir ki, bu barədə Rusiya Müdafiə Nazirliyi məlumat yayıb.

Qeyd olunub ki, dronlardan 16-sı Voronej, 14-ü isə Belqorod vilayətlərində zərərsizləşdirilib.

Kursk və Samarada isə 6 PUA məhv edilib.

Mordoviya Respublikasında isə 3 pilotsuz aparat vurulub. Sözügedən bölgədə PUA hücumu nəticəsində ərazidə yerləşən sənaye müəssisələrindən birində yanğın baş verib, lakin xəsarət alan olmayıb.