BAKI, 5 aprel. TELEQRAF

"Avropa İttifaqı Birləşmiş Ştatlarla ticarət qarşıdurmasında öz maraqlarını müdafiə etməyə hazırdır".

Teleqraf xəbər verir ki, bunu Avropa Xalq Partiyasının (APP) rəhbəri Manfred Veber müsahibəsində deyib.

Partiya rəhbəri müsahibəsində Donald Trampın yeni tariflərini “böyük səhv”, 2 apreli isə “qara gün” adlandırıb.

Veber Aİ-nin Trampa cavab vermək üçün əhəmiyyətli iqtisadi gücə malik olduğunu vurğulayıb. O, Merkosur bloku (Cənubi Amerika) və Hindistanla ticarət razılaşmalarını sürətləndirməyə çağırıb və onları "anti-Tramp tədbirləri" adlandırıb. Eyni zamanda, siyasətçi Çinlə əməkdaşlığı gücləndirmək barədə xəbərdarlıq edərək , Pekinin qlobal ticarətdə ABŞ-ni əvəz etməməli olduğunu qeyd edib.