TBİLİSİ, 10 fevral. TELEQRAF

Ötən il xarici ölkələrə səfər etmiş Gürcüstan vətəndaşlarının sayı 2,8 milyon nəfərə bərabər olub.

Teleqraf xəbər verir ki, bu barədə ölkənin Milli Statistika İdarəsinin hesabatında bildirilib.

Sənədə əsasən, 2023-cü illə müqayisədə göstəricidə 1,4%-lik azalma qeydə aınıb.

Səfər edənlərin 1,5 milyon nəfəri turist olub ki, bu da illik müqayisədə 7,7% çoxdur.

Azərbaycana edilən səfərlər Gürcüstan vətəndaşlarının xarici səfərlərinin 2,2%-nə bərabər olub. Bu göstərici ilə Azərbaycan qonşu ölkə vətəndaşlarının ən çox üz tutduğu dördüncü ölkə olub.

Birinci yerdə Türkiyə (37,4%), ikinci yerdə Rusiya (18,3%), üçüncü yerdə isə Ermənistan (12,1%) qərarlaşıb.