BAKI, 1 sentyabr. TELEQRAF

Rusiya ordusunun Ukraynaya qarşı müharibədə yenilənmiş itkiləri arasında helikopter də var.

Teleqraf xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda ​​deyilir ki, şəxsi heyət arasında genişmiqyaslı müharibənin əvvəlindən Rusiyanın ümumi canlı qüvvə itkisi 1 milyon 82 990 nəfər təşkil edir. Son sutkada Rusiya ordusunun daha 850 hərbçisinin məhv edildiyi bildirilib.

Baş Qərargah həmçinin bildirir ki, dörd ilə yaxın davam edən müharibədə Rusiya 11 155 (+4) tankını, 23 229 (+17) zirehli döyüş maşınını, 32 248 (+49) artilleriya və 1476 reaktiv yaylım atəş sistemini itirib.

Bundan başqa, itkilər arasında 1213 hava hücumundan müdafiə sistemi, 422 təyyarə, 341 (+1) helikopter, 55 276 (+214) PUA və 3664 qanadlı raket var.

Siyahıya həmçinin 28 gəmi/kater, 1 sualtı gəmi, 60.399 (+94) nəqliyyat vasitəsi və yanacaq tankeri, 3,952 ədəd xüsusi texnika daxildir.