BAKI, 14 noyabr. TELEQRAF

Suriyanın paytaxtı Dəməşqin yaxınlığındakı Ceramana qəsəbəsində avtomobilə yerləşdirilmiş partlayıcı qurğunun işə salınması nəticəsində iki nəfər ölüb, daha iki nəfər yaralanıb.

Teleqraf xəbər verir ki, bu barədə Suriyanın “Əl-İxbariya” telekanalı məlumat yayıb.

Telekanalın məlumatına görə, partlayıcı qurğu akkumulyator istehsalı zavodunun yaxınlığında avtomobilə yerləşdirilib və orada işə salınıb.

Hadisə yerinə mülki müdafiə qüvvələrinin bölmələri cəlb olunub.