BAKI, 2 aprel. TELEQRAF

"ABŞ Qrenlandiyaya hücum etsə, NATO parçalanacaq. Belə bir qərar qlobal təhlükəsizliyi pozacaq və ABŞ-ni təcrid edəcək".

Teleqraf xəbər verir ki, bunu amerikalı analitik, Cənubi Koreyanın Pusan ​​Milli Universitetinin professoru Robert Kelli deyib.

Onun fikrincə, Amerika Qrenlandiya uğrunda müharibədə qalib gələcək, amma fəlakətli yan təsirlərlə üzləşəcək.

“Qrenlandiya və Danimarka müharibəyə başlamaq qərarına gəlsə, NATO-nun digər üzvləri onlara kömək edəcəklərmi? ABŞ qitədə bir neçə Avropa dövləti ilə müharibəyə başlasa, Avropadakı Amerika əsgərləri və mülki əhalinin taleyi necə olacaq? Ən çox ehtimal olunan nəticə NATO-nun parçalanmasıdır”, - professor bildirib.

Kelliyə görə, ABŞ-Danimarka müharibəsindən sonra Avropa açıq şəkildə anti-Amerika istiqamətinə meyl edəcək: “Avropa Amerika malları və xidmətləri üçün nəhəng ixrac bazarıdır və bu, itiriləcək”.