BAKI, 17 oktyabr. TELEQRAF

İran Prezidenti Məsud Pezeşkian Səudiyyə Ərəbistanı, Türkiyə və Pakistan arasında imzalanan Məkkə Müdafiə İttifaqını müsbət addım kimi qiymətləndirib.

Teleqraf xəbər verir ki, bu barədə Məsud Pezeşkian "Əl-Cəzirə" telekanalına müsahibəsində bildirib.

O, müsəlmanların birləşməsinin vacibliyini vurğulayıb və Tehranın bu prosesdə iştirak etməyə hazır olduğunu bildirib:

"Bu, irəliyə doğru addımdır. Müsəlmanlar birləşməlidirlər və biz bu prosesdə iştirak etməyə hazırıq. Əlbəttə, onların qərarlarının detallarını hələ bilmirik".