BAKI, 14 oktyabr. TELEQRAF

“ABŞ-nin İrana qarşı müharibəsi formasına görə “dünya müharibəsi” adlandırılmasa da, bir çox ölkə onun nəticələrini dünya müharibəsi səviyyəsində qiymətləndirir”.

Teleqraf xəbər verir ki, bunu İran İslam İnqilabı Keşikçiləri Korpusu (SEPAH) komandanının müavini Yədullah Cəvani deyib.

“Bizim qiymətləndirməmizə görə, İran və müqavimət cəbhəsi (Tehranın Yaxın Şərqdəki proksi qüvvələri - red.) bu döyüşdən qələbə ilə çıxacaq və bunun nəticələri regionun və dünyanın gələcək geosiyasi hesablamalarında özünü göstərəcək”, - SEPAH rəsmisi bildirib.

Cəvani iddia edib ki, İran ölkənin dağılması ilə nəticələnə biləcək qəfil hərbi hücum təhlükəsi mərhələsini artıq geridə qoyub:

“Döyüşün nəticəsi mütləq düşmənin ilkin hesablamalarına uyğun olmayacaq. Silahlı qüvvələr hazır vəziyyətdədir və düşmənin istənilən səhvi ciddi reaksiya və sarsıdıcı cavabla qarşılanacaq”.