BAKI, 27 avqust. TELEQRAF

Səudiyyə Ərəbistanında Yunanıstan hərbçilərinin idarə etdiyi hava hücumundan müdafiə sistemi “Yanbu” neft obyektləri ərazisində bir neçə dronu məhv edib.

Teleqraf xəbər verir ki, bu barədə “Reuters” Yunanıstanın təhlükəsizlik mənbələrinə istinadla məlumat yayıb.

Qeyd edilib ki, bu, ABŞ-İsrail və İran arasında müharibənin başlanmasından etibarən Yunanıstan ordusunun nəzarətində olan həmin sistemin istifadə edildiyi üçüncü haldır.

Yunanıstan 2021-ci ildən Səudiyyə Ərəbistanının enerji obyektlərinin qorunmasına kömək məqsədilə əldə olunmuş razılaşma çərçivəsində “Patriot” hava hücumundan müdafiə sistemini öz hərbçiləri ilə birlikdə bu ölkədə yerləşdirib.