BAKI, 22 may. TELEQRAF

Bu gün burada Bakıda rekord sayda iştirakçı ilə 176 ölkədən 67 mindən çox insanın, o cümlədən 6 mindən artıq şəxsin onlayn qoşulması ilə bir araya gəlmişik.

Teleqraf xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda keçirilən Ümumdünya Şəhərsalma Forumunun 13-cü sessiyasının (WUF13) bağlanış mərasimində deyib.

O bildirib ki, iştirak miqyası güclü və vahid bir mesaj verir.

"Biz mənzil təminatı və şəhər inkişafının gələcəyi baxımından həlledici bir mərhələdəyik. Artıq hərəkətsiz qalmaq lüksümüz yoxdur. Dünya marjinal problemlərdən sistemli həllərə keçməlidir. Dünyanın müxtəlif ölkələrində mənzil sistemləri ciddi təzyiq altındadır. Bu sistemlər bərabərsizlik, sosial ayrıseçkilik, zəif idarəetmə, sürətli urbanizasiya, məcburi köçkünlük və iqlim böhranının getdikcə ağırlaşan təsirləri səbəbindən sarsılır.

Avtomatik sistemlər və mövcud təhlükəsizlik mexanizmləri bir çox hallarda yetərli olmur. Minlərlə insan qeyri-rəsmi yaşayış məntəqələrinə sıxışdırılır və çıxış yolları məhdudlaşır. Buna görə də bu məsələ yalnız texniki deyil, həm də humanitar və sosial ədalət məsələsidir", - o vurğulayıb.