BAKI, 21 sentyabr. TELEQRAF

"Xarici ölkələrdə dilimizə qarşı böyük təzyiq var. Bəzi ölkələrdə bizim dil məişət dili səviyyəsinə endirilir. Bəzi ölkələr deyəndə, birinci ölkə hansıdır bunu bilirik, amma ikinci ölkə də var".

Teleqraf xəbər verir ki, bunu Milli Məclisin İnsan hüquqları komitəsinin bu gün keçirilən iclasında deputat Hikmət Məmmədov deyib.

O qeyd edib ki, bu günlərdə həmin ölkədə Azərbaycan dili saatları azaldılır: "Dil milli identikliyin birinci şərtidir. Bu məsələyə qayıtmaq, bununla ciddi məşğul olmaq lazımdır ki, nə üçün belə edilir".