BAKI, 14 iyul. TELEQRAF

“Sabah” UEFA Çempionlar Liqasının I təsnifat mərhələsində cavab oyununu keçirib.

Teleqraf xəbər verir ki, Azərbaycan təmsilçisi səfərdə Uels çempionu TNS-lə qarşılaşıb. Matç “Sabah”ın 2:1 hesablı qələbəsi ilə başa çatıb.

Bakıdakı ilk görüşdə 2:0 hesabı ilə qalib gələn “Sabah” iki oyunun nəticəsinə əsasən rəqibini 4:1 hesabı ilə üstələyib.

Qeyd edək ki, “Sabah” II təsnifat mərhələsində Finlandiyanın "Kups" klubu ilə qarşılaşacaq.

***

23:15

TNS "Sabah"la matçda fərqi azaldıb.

Teleqraf xəbər verir ki, 89-cu dəqiqədə Coş Lok hesabı 1:2 edib.

***

22:32

TNS - “Sabah” matçında ikinci hissə başladı.

***

22:17

TNS - “Sabah” matçında ilk hissə başa çatıb.

Teleqraf xəbər verir ki, Masazır təmsilçisi fasiləyə öndə yollanıb - 1:0.

Azərbaycan çempionunun ilk qolunu 29-cu dəqiqədə Mikels vurub. 42-ci dəqiqədə isə Daşdəmirov fərqi 2-yə çatdırıb.

***

22:12

”Sabah” TNS-lə fərqi 2-yə çatdırıb.

Teleqraf xəbər verir ki, 42-ci dəqiqədə Rəhman Daşdəmirov fərqlənib.
***

21:58

“Sabah” TNS-lə oyunda hesabı açıb.

Teleqraf xəbər verir ki, 28-ci dəqiqədə Coy Lens Mikels komandasını hesabda önə keçirib.

***

21:30

“Sabah” UEFA Çempionlar Liqasının I təsnifat mərhələsində cavab oyununa çıxır.

Teleqraf xəbər verir ki, Azərbaycan təmsilçisi səfərdə Uels çempionu TNS ilə qarşılaşır.

Osvestri şəhərində yerləşən “Park Hall” stadionunda keçirilən görüş Bakı vaxtı ilə saat 21:30-da başlayıb. Matçı İspaniyadan olan baş hakim Mateo Buskets Ferrer idarə edir.

Qeyd edək ki, komandalar arasında Bakıda keçirilən ilk oyunda “Sabah” 2:0 hesablı qələbə qazanıb.

Bu cütün qalibi II təsnifat mərhələsində “Vardar” (Şimali Makedoniya) – “KuPS” (Finlandiya) cütünün qalibi ilə üz-üzə gələcək.