BAKI, 4 aprel. TELEQRAF
İngiltərə "Mançester Siti"sinin futbolçusu və kapitanı Kevin De Bruyne mövsümün sonunda klubdan ayrılacaq.
Teleqraf xəbər verir ki, bu barədə belçikalı yarımmüdafiəçinin özü sosial şəbəkə hesabında məlumat yayıb.
"Mənim "Mançester Siti"nin oyunçusu kimi son aylarım olacaq. Bütün futbolçular bunun bir gün baş verəcəyini bilirlər.
Futbol məni Mançesterə gətirdi. Bir xəyalın dalınca gedirdim və karyeramın bu dövrünün həyatımı dəyişəcəyini bilmirdim. Burdaki insanlar mənə hər şey verdilər. Və biz birlikdə bütün kubokları qazandıq.
Ancaq vidalaşmağın vaxtı gəlib. Mançester mənim qəlbimdə əbədi qalacaq. Həmçinin uşaqlarımın pasportlarında da qalacaq. Bu şəhər həmişə bizim evimiz olacaq. Bu, həyatımın ən yaxşı hekayəsi idi", - deyə 34 yaşlı futbolçu yazıb.
Qeyd edək ki, Kevin De Bruyne 2015-ci ildən “Mançester Siti”də çıxış edir. O, 10 il ərzində altı dəfə İngiltərə Premyer Liqasını, beş dəfə Liqa Kubokunu, iki dəfə İngiltərə Kuboku və bir dəfə UEFA Çempionlar Liqasını qazanıb.
