BAKI, 7 iyul. TELEQRAF

Çinin mərkəzində yerləşən Hubey əyalətində baş verən güclü tufanlar və qasırğavari küləklər nəticəsində azı 8 nəfər həlak olub, daha bir nəfər isə itkin düşüb.

Teleqraf xəbər verir ki, bu barədə "Sinxua" agentliyi yerli hakimiyyət orqanlarına istinadən məlumat yayıb.

Məlumata görə, əlverişsiz hava şəraiti iyulun 6-da əyalətin bir neçə şəhərində qeydə alınıb. Bəzi ərazilərdə güclü hava burulğanları və qasırğalar müşahidə olunub.

Hazırda bölgənin fövqəladə hallar idarəsi tərəfindən axtarış-xilasetmə əməliyyatları davam etdirilir. İtkin düşən şəxsin tapılması və fəlakətin nəticələrinin aradan qaldırılması istiqamətində tədbirlər görülür.

Hadisənin vurduğu maddi ziyanın həcmi və digər təfərrüatlar barədə hələlik əlavə məlumat açıqlanmayıb.