BAKI, 7 iyul. TELEQRAF

HƏMAS Qəzza zolağında fəaliyyət göstərən Hökumət İşçi Komitəsinin milli maraqları qorumaq və işğalçı İsrail qüvvələrinin bəhanələrini aradan qaldırmaq məqsədilə istefa verdiyini açıqlayıb.

Teleqraf xəbər verir ki, HƏMAS sözçü Hazim Qasıma görə, hərəkat Qəzzanın idarəçiliyində iştirak etməməklə bağlı addım atıb.

"Bu addım milli maraqların və işğalçı qüvvələrin tələblərinə uyğundur. Bu, hər hansı bir bəhanəni aradan qaldırmaq üçün edilib", - deyə sözçü bildirib.

Qasım qeyd edib ki, İsrail Qəzzaya hücumlara başlayandan bəri Qəzza zolağının idarə olunması üçün bir çox milli və konsensus formulları təklif olunub və nəticədə Qəzza İdarəetməsi üzrə Milli Komitənin yaradılması ilə nəticələnib və bu, sonda Misirin paytaxtı Qahirədə razılaşdırılıb, lakin İsrail komitənin Qəzzaya girişə mane olmaqda davam edir.

Qasım qeyd edib ki, HƏMAS-ın qərarı Qəzza Administrasiyasının Milli Komitəsinə hakimiyyətin ötürülməsi üçün bütün zəruri texniki və inzibati addımların tam şəkildə yerinə yetirildiyi təsdiqləndikdən sonra verilib: "Ümid edirik ki, bu qərar razılaşdırıldığı kimi, Milli Komitənin Qəzza zolağına daxil olmasına yol açacaq".

Qəzza İdarəçiliyi üzrə Milli Komitə (texnokratlardan ibarət müvəqqəti hökumət) Birləşmiş Millətlər TəşkilatıTəhlükəsizlik Şurasının 17 noyabr 2025-ci il tarixli 2803 saylı Qətnaməsi ilə, ABŞ Prezident Donald Trampın 20 maddəlik planına uyğun olaraq yaradılıb. Komitə ilk iclasını 15 yanvar 2026-cı ildə Misirin paytaxtı Qahirədə keçirib. Qəzza Milli İdarəetmə Komitəsi Qahirədə keçirilən iclasda Qəzza zolağında mülki idarəetmə və daxili təhlükəsizlik üçün məsuliyyəti öz üzərinə götürmək səlahiyyətlərinin rəsmi olaraq başladığını elan edib.

Komitənin vəzifəsi Ramallahda yerləşən Fələstin administrasiyası islahat proqramını tamamlayana qədər Qəzzada sabitləşmə, bərpa və yenidənqurma səylərinə nəzarət etməkdir.

Lakin atəşkəsə baxmayaraq, İsrailin davamlı hücumları və pozuntuları səbəbindən Qəzza Milli İdarəetmə Komitəsi bölgədəki vəzifələrini öz üzərinə götürə bilməyib.