BAKI, 13 mart. TELEQRAF

ABŞ və İsrailin hərbi aviasiyası İranın paytaxtı Tehranın şərq rayonlarına zərbələr endirib.

Teleqraf xəbər verir ki, bu barədə Fars agentliyi məlumat yayıb.

Məlumata görə, İran paytaxtının iki rayonunda qırıcı təyyarələrin hücumundan sonra partlayışlar baş verib. Hadisə nəticəsində dəymiş ziyan və mümkün itkilər barədə hələlik məlumat açıqlanmayıb.

Qeyd edək ki, fevralın 28-də ABŞ və İsrail İrana qarşı hərbi əməliyyata başlayıb.