BAKI, 4 may. TELEQRAF
Biz sülhün rifah gətirdiyini nümayiş etdirməkdə Ermənistanı dəstəkləmək istəyirik.
Teleqraf xəbər verir ki, bunu Avropa Komissiyasının sədri Ursula fon der Lyayen İrəvanda keçirilən "Avropa Siyasi Birliyi"nin sammitində deyib.
Onun sözlərinə görə, kommunikasiyaların bərpası Cənubi Qafqazda mühüm rol oynaya bilər:
"Vaxtilə Avropa İttifaqının yaradılmasında polad və kömür sülhün və rifahın möhkəmləndirilməsində hansı rolu oynayıbsa, kommunikasiyalar da Cənubi Qafqazda eyni rolu oynaya bilər".
