BAKI, 2 aprel. TELEQRAF

Rusiya ordusunun hücumlarının başlamasından sonra Ukraynanın Sumı vilayətinin 48 yaşayış məntəqəsi təxliyə edilib.

Teleqraf xəbər verir ki, bu barədə Sumı vilayətinin rəhbərliyi məlumat yayıb.

“Konotop, Sumı, Oxtırski və Şostka şəhərlərinin 48 yaşayış məntəqəsi tamamilə boşaldılıb”, - məlumatda deyilir.

Açıqlamada deyilir ki, hazırda ən çətin vəziyyət Krasnopilidədir. Martın sonuna olan məlumata görə, kənddə 150 ​​nəfər sakin qalıb, Rusiya qoşunlarının artilleriya zərbələrinə görə mülki vətəndaşların təxliyəsi davam edir.

Xatırladaq ki, Rusiya ordusu martın ortalarında üç illik fasilədən sonra yenidən Sumı vilayətinə hücuma keçib. Sərhədi yaran Rusiya qüvvələri bölgəyə daxil olublar. Hücumların intensivləşdiyi, rusların əməliyyatları genişləndirməyə çalışdığı bildirilir.