BAKI, 9 ferval. TELEQRAF

Parisin havasında qurğuşun miqdarının yüksəldiyi aşkarlanıb.

Teleqraf xəbər verir ki, bunu şəhərin 12-ci dairəsində yerləşən tarixi meriya binasındakı yanğınla bağlayırlar.

Belə ki, yanvarın 27-nə keçən gecə meriyada baş verən yanğından sonra regional səhiyyə idarəsinin mütəxəssisləri binanın ətrafında 40 müxtəlif yerdən, o cümlədən uşaq bağçalarından, məktəblərdən və küçələrdən hava nümunələri götürüblər.

Qeyd edilir ki, "12-ci rayon meriyasının ətrafında xüsusilə körpə uşaqlar və hamilə qadınlar üçün zərərli olan qurğuşun səviyyəsi aşkar edilib".

Bu səbəbdən iki uşaq bağçasının işi dayandırılıb. Bazar ertəsi, fevralın 10-da yerli hakimiyyət orqanları problemi müzakirə etmək üçün iclas keçirəcək.