BAKI, 2 aprel. TELEQRAF
Ermənistan tərəfindən qəsdən yerləşdirilən minalar Azərbaycan vətəndaşlarının təhlükəsizliyi və rifahı üçün ciddi təhlükə yaratmağa davam edir. Bu gün Ağdamda bir vətəndaş mina partlayışı nəticəsində həlak olub.
Teleqraf xəbər verir ki, bu sözlər Azərbaycan Xarici İşlər Nazirliyinin (XİN) yaydığı məlumatda yer alıb.
"2020-ci il müharibəsinin bitməsindən bəri, 387 Azərbaycan vətəndaşı minalardan dolayı həlak olub və ya ağır yaralanıb ki, bu da bu gizli təhlükələrin davamlı və dağıdıcı insan itkilərinə səbəb olduğunu göstərir. Davam edən mina çirklənməsi bölgədə sülh, barış və stabilliyə əngəl törədən əsas maneələrdən birini təşkil edir. Bu kritik məsələni həll etmək üçün beynəlxalq birliyi siyasi və praktiki dəstək göstərməyə çağırırıq",- məlumatda deyilir.
