Bakı, 2 aprel. TELEQRAF
Bəhreyn Kralı Həməd bin İsa Al Xəlifə Azərbaycanın dövlət başçısı İlham Əliyevə təbrik məktubu göndərib.
Teleqraf xəbər verir ki, məktubda deyilir:
"Zati-aliləri Prezident İlham Əliyev.
Müqəddəs Ramazan bayramı münasibətilə Sizə və Azərbaycan xalqına səmimi təbriklərimizi və ən xoş arzularımızı çatdırmaqdan məmnunluq duyuruq.
Uca Allahdan Sizə möhkəm cansağlığı, xoşbəxtlik, Azərbaycan xalqına davamlı tərəqqi və firavanlıq diləyirik.
Zati-aliləri, ən dərin ehtiramımı qəbul etməyinizi xahiş edirəm".
