BAKI, 2 aprel. TELEQRAF

Azərbaycan orta səviyyədən yuxarı gəlirli ölkələr üzrə siyahısına uğurla keçib.

Teleqraf xəbər verir ki, bu məqam BMT Baş Assambleyasının orta gəlirli ölkələr üzrə ali səviyyədə keçirilən iclasında vurğulanıb.

Azərbaycan Respublikasının Birləşmiş Millətlər Təşkilatı yanında Daimi Nümayəndəliyinin məlumatına əsasən, iclasda eyni zamanda ölkənin Cənub-Cənub və və üçtərəfli əməkdaşlıq vasitəsilə qlobal inkişafa yardım etməsindən və COP29-a uğurlu sədrliyindən də danışılıb.

O da qeyd olunub ki, gələn il Ümumdünya Şəhərlər Forumunun 13-cü sessiyasına ev sahibi edəcək Azərbaycan, əvvəlki kimi, zəif ölkələrin prioritetlərinin təkmilləşdirilməsinə, xüsusilə də sürətli urbanizasiya və artan infrastruktur tələblərinin yaratdığı problemlərin həllinə sadiqdir.