BEYLƏQAN, 10 fevral. TELEQRAF

Beyləqan rayonunda doğuşdan sonra yeni doğulan körpənin ölümü ilə bağlı araşdırma aparılır.

Teleqraf-ın Qarabağ bürosunun məlumatına görə, ötən gün Beyləqan rayonunun Birinci Şahsevən kənd sakini, 1996-cı il təvəllüdlü Ülviyyə Əliyeva 39 həftəlik hamiləliklə Beyləqan Rayon Mərkəzi Xəstəxanasına daxil olub.

Doğuş prosesinin normal keçməsinə baxmayaraq, dünyaya gələn oğlan uşağı bir müddət sonra həyatını itirib.

Ana Ü.Əliyevanın səhhəti normaldır.