BAKI, 7 fevral. TELEQRAF.

Qeyri-bank kredit təşkilatları kreditləşməni artırıb.

Teleqraf Mərkəzi Bankın pul-kredit statistikasına istinadən xəbər verir ki, 2024-cü ilin sonuna qeyri-bank kredit təşkilatları iqtisadiyyata 1 milyard 810.6 milyon manat kredit qoyub.

Bu, 2023-cü ilin sonu ilə müqayisədə 2,2 dəfə çoxdur. 2023-cü ilin sonuna bu göstərici 792,2 milyon manat idi.

Nəticədə, ümumi kreditləşmədə qeyri-bank kredit təşkilatlarının payı 3,3 faizdən 6,2 faizə yüksəlib.

Azərbaycanda ötən ilin sonunda kredit təşkilatlarının kredit qoyuluşu 29 milyard 288.2 milyon manat olub.