BAKI, 5 mart. TELEQRAF

Gənclər arasında Avropa Kubokunda mübarizə aparan Azərbaycan yığması yarışa uğurlu start verib.

Teleqraf xəbər verir ki, Polşada keçirilən turnirin ilk günüdə 4 Azərbaycan idmançısı fəxri kürsüyə yükəlib.

60 kq çəki dərəcəsində iki cüdoçu medal qazanıb. Fərid Qarayev qızıl, Nihad Məmişov bürünc medala sahib çıxıb.

Məhəmməd Musayev (66 kq) da Kubokda bütün rəqiblərini udub. 73 kq-da yarışan Abil Yusubov isə yarışda bürünc medal qazanıb.

Qeyd edək ki, Azərbaycan yığması Polşada 7 çəki dərəcəsində 12 cüdoçu ilə təmsil olunur.