MİNGƏÇEVİR, 4 aprel. TELEQRAF

"Füzuli Məmmədovun "Mingəçevir" futbol klubunun baş məşqçisi vəzifəsindən uzaqlaşdırılacağı ilə bağlı yayılan məlumatlar əsassızdır".

Bu fikirləri Teleqraf-ın yerli bürosuna "Mingəçevir"ın mətbuat xidmətinin rəhbəri Elnur Qasımov bildirib.

Onun sözlərinə görə yayılmış məlumatların heç bir əsası yoxdur və yanılışdır.

"Füzuli Məmmədovun komanda ilə 3 illik müqaviləsi var. Üstəlik komanda üzvləri və rəhbərliyinin təcrübəli məşqçiyə böyük etimadı var. Hər kəs onun rəhbərliyi altında "Mingəçevir"in qarşıdakı dönəmdə daha böyük uğurlara imza atacağına əmindir. Qısa müddət ərzində Füzuli Məmmədovun komandada yaratdığı uğurlu dəyişikliklər və qazanılan nəticələr baş məşqçiyə olan inam və etimadın bir göstəricisidir", - deyə E.Qasımov bildirib.