BAKI. 4 aprel. TELEQRAF

Gənclər və idman naziri Fərid Qayıbov mart ayı ərzində qitə və dünya çempionatlarında, nüfuzlu beynəlxalq yarışlarda Azərbaycanı uğurla təmsil etmiş idmançılar və onların məşqçiləri ilə görüşüb.

Nazirliyin mətbuat xidmətindən Teleqraf-a verilən məlumata görə, Azərbaycan İdman Akademiyasında təşkil edilən görüş Dövlət Himnimizin səsləndirilməsi ilə başlanıb.

Ardınca nazir idmançıları təbrik edib və onlara yeni qələbələr arzulayıb.

Ay ərzində beynəlxalq yarışlarda qazanılmış uğurları əks etdirən videoçarxlar nümayiş olunub.

Kapoeyra ustası Fərid Səlimov və akrobatlar nazir və tədbir iştirakçıları qarşısında qeyri-adi bacarıqlarını nümayiş etdiriblər.

Sonra atletika, atıcılıq, akrobatika gimnastikası, aerobika gimnastikası, bədii gimnastika, kişi idman gimnastikası, boks, cüdo, sərbəst güləş, qadın güləşi, yunan-Roma güləşi, taekvondo, üzgüçülük, kapoeyra, MMA, qazaq güləşi, uşu idman növlərinin təmsilçiləri çıxış etdikləri yarışlar, qazandıqları qələbələr barədə məlumat veriblər.