BAKI, 3 aprel. TELEQRAF

Türkiyə Kubokunun 1/4 final oyununda "Qalatasaray" səfərdə "Fənərbağça"nı 2:1 hesabı ilə məğlub edib.

Teleqraf xəbər verir ki, matçın sonunda meydan sahibi komandanın baş məşqçisi Joze Mourinyo "sarı qırmızı" kollektivin rəhbəri Okan Burukun burnunu sıxıb.

İnsidentdən sonra Buruk yerə yıxılıb. O, daha sonra portuqaliyalı mütəxəssisin üzərinə getmək istəsə də, futbolçuları Dris Mertens, Pşemıslav Frankovski və texniki heyət onun qarşısını almağa çalışıb.

Qeyd edək ki, "Qalatasaray" Türkiyə Kubokunun 1/2 final mərhələsində "Konyaspor"la qarşılaşacaq.