BAKI, 17 iyul. TELEQRAF
“Qarabağ” UEFA Avropa Liqasının I təsnifat mərhələsində “Vestri”yə qarşı cavab oyununu keçirib.
Teleqraf xəbər verir ki, İslandiyada baş tutan qarşılaşma Ağdam təmsilçisinin 3:0 hesablı qələbəsi ilə yekunlaşıb.
“Qarabağ”ın qollarını Ceydi Muaddib, Pedro Bikalyo və Zakario Savo vurublar.
Azərbaycan çempionu Bakıda keçirilən ilk matçda da rəqibini 3:0 hesabı ilə məğlub edib. Beləliklə, iki oyunun nəticəsinə görə 6:0 üstün olan “Qarabağ” II təsnifat mərhələsinə yüksəlib.
***
01:14
"Vestri" - "Qarabağ" matçında hesab 3:0 olub.
Teleqraf xəbər verir ki, Ağdam klubunun heyətində Zakario Savo fərqlənib.
***
01:02
“Qarabağ” UEFA Avropa Liqasının I təsnifat mərhələsində “Vestri”yə qarşı keçirdiyi cavab matçında mübarizəni davam etdirir.
Teleqraf xəbər verir ki, İslandiyada baş tutan qarşılaşmanın ikinci hissəsi başlayıb.
Hazırda iki oyunun nəticəsinə görə ümumi hesab 5:0 “Qarabağ”ın xeyrinədir.
***
00:48
“Qarabağ” UEFA Avropa Liqasının I təsnifat mərhələsində “Vestri”yə qarşı keçirdiyi cavab oyununun ilk hissəsini üstün başa vurub.
Teleqraf xəbər verir ki, İslandiyada keçirilən qarşılaşmada Ağdam təmsilçisi fasiləyə 2:0 hesabı ilə öndə yollanıb.
“Qarabağ”ın qollarını 5-ci dəqiqədə Ceydi Muaddib və 29-cu dəqiqədə Pedro Bikalyo vurublar.
Qeyd edək ki, Azərbaycan çempionu ilk görüşdə də rəqibinə 3:0 hesabı ilə qalib gəlib. Hazırda iki oyunun nəticəsinə görə ümumi hesab 5:0-dır.
***
00:30
"Vestri" - "Qarabağ" matçında hesab 2:0 olub.
Teleqraf xəbər verir ki, 29-cu dəqiqədə Pedro Bikalyo fərqi 2-yə çatdırıb
***
00:07
"Vestri" - "Qarabağ" matçında hesab açılıb.
Teleqraf xəbər verir ki, 5-ci dəqiqədə Jali Muaddib Ağdam klubunu önə keçirib - 1:0
***
00:00
“Qarabağ” UEFA Avropa Liqasının I təsnifat mərhələsində cavab matçına çıxıb.
Teleqraf xəbər verir ki, Azərbaycan çempionu İslandiyada “Vestri”nin qonağıdır.
Qarşılaşma Bakı vaxtı ilə saat 00:00-da başlayıb.
Qeyd edək ki, Bakıda keçirilən ilk oyunda “Qarabağ” rəqibini 3:0 hesabı ilə məğlub edib.
