BAKI, 5 aprel. TELEQRAF
Almaniyanın "Bavariya" klubunun futbolçusu Tomas Müller cari mövsümdən sonra komandadan ayrılacaq.
Teleqraf xəbər verir ki, bu barədə 35 yaşlı hücumçu sosial şəbəkə hesabında məlumat yayıb.
Müller Münhen təmsilçisi ilə yayda bitəcək müqaviləsini yeniləməyəcək. O, bütün peşəkar karyerasını “Bavariya”da keçirib.
Qeyd edək ki, Tomas Müller "Bavariya" ilə 12 dəfə Almaniya Bundesliqasını, 8 dəfə Almaniya Superkubokunu, 6 dəfə ölkə kubokunu, 2 dəfə UEFA Çempionlar Liqasını, 2 dəfə UEFA Superkubokunu və 2 dəfə FIFA klublararası dünya çempionatını qazanıb.
