BAKI. 4 aprel. TELEQRAF
Azərbaycan I Liqasında çıxış edən “Mingəçevir” klubunun sabiq futbolçusu Muxtar Nəzərlinin işi Azərbaycan Respublikasının Baş Prokurorluğunda araşdırılır.
Teleqraf xəbər verir ki, , 22.07.2002-ci il təvəllüdlü Nəzərli Muxtar Mehman oğlu danışılmış oyunlarda iştiraka görə futbolçunun ömürlük müddətdə futbol ilə əlaqədar hər hansı fəaliyyətlə məşğul olmaq hüququndan məhrum edilib.
Bu barədə qərarı yanvarın 30-da AFFA İntizam Komitəsi qəbul edib. Qərdan narazı qalan futbolçu apellyasiya şikayəti verib.
Şikayətə AFFA-nın Apellyasiya Arbitraj Tribunalı baxmalı olsa da, bu, Baş Prokurorluğuna sorğu göndərilməsi ilə əlaqədar təxirə salınıb.
Qeyd edək ki, AFFA İntizam Komitəsi Muxtar Nəzərlidən əlavə "Mingəçevir"in daha iki futbolçusu Xəyal Xudaverdiyev və Mövlan Kərimovu, eləcə də "Şamaxı"nın müdafiəçi Adil Nağıyevi danışılmış oyunlarda iştirakına görə futbolla əlaqədar hər hansı fəaliyyətlə məşğul olmaq hüququndan ömürlük məhrum edib.
