BAKI, 3 aprel. TELEQRAF
Gənclər və idman naziri Fərid Qayıbov Avropa Su İdman Növləri Federasiyasının (LEN) prezidenti Antoniu Silva ilə görüşüb.
Nazirliyin mətbuat xidmətindən Teleqraf-a verilən məlumata görə, görüşdə üzgüçülük idmanının inkişafı, beynəlxalq əməkdaşlıq və gələcək layihələr barədə fikir mübadiləsi aparılıb.
Həmçinin LEN və Azərbaycan arasında əlaqələrin daha da genişləndirilməsi, birgə layihələrin icrası və təcrübə mübadiləsi imkanları müzakirə edilib.
Görüşdə Azərbaycan Üzgüçülük Federasiyasının prezidenti Zaur Əliyev, LEN-in vitse-prezidenti Yosip Varvodiç və digər şəxslər iştirak ediblər.
