BAKI, 31 avqust. TELEQRAF

İran İslam İnqilabı Keşikçiləri Korpusu (SEPAH) ABŞ-yə məxsus MQ-9 pilotsuz uçuş aparatını vurduğunu bildirib.

Teleqraf “Press TV” telekanalına istinadən xəbər verir ki, PUA Hörmüz boğazı üzərində vurulub.

“ABŞ-nin MQ-9 pilotsuz uçuş aparatı Hörmüz boğazı üzərində vurulub və Fars körfəzinin sularına düşüb”, - məlumatda qeyd olunub.

Hadisə ilə bağlı ABŞ tərəfindən hələlik açıqlama verilməyib.

Bundan əvvəl SEPAH İordaniya ərazisində ABŞ qırıcılarının yerləşdiyi iki aviabazaya zərbələr endirdiyini açıqlamışdı.