BAKI, 4 iyul. TELEQRAF
ABŞ Prezidenti Donald Trampın bir neçə müşaviri İsrailin Baş naziri Binyamin Netanyahunun hərəkətlərindən narazıdır.
Teleqraf xəbər verir ki, bu barədə "Axios" məlumat yayıb.
"Trampın ən yaxın müşavirlərinin çoxu Bibinin (Binyamin Netanyahu - red) hər şeydə səhv etdiyinə inanır. Son aylarda Trampın ətrafındakı insanlar Netanyahuya getdikcə daha çox şübhə ilə yanaşırlar və ondan məyus olurlar - deyə, "Axios" adı açıqlanmayan rəsmiyə istinadən bildirib.
İyunun əvvəlində Tramp "New York Post" qəzetinə verdiyi müsahibədə Netanyahuya qarşı telefon danışığında ədəbsiz ifadələr işlətdiyini təsdiqləyərək onu "dəli" adlandırmışdı. "Axios" əvvəllər mənbələrə istinadən xəbər vermişdi ki, Tramp Netanyahu ilə söhbətində İsrailin Livandakı hərəkətlərini tənqid etmək üçün ədəbsiz ifadələrdən istifadə edib və bunun İranla danışıqları təhlükəyə atdığını bildirib.
