BAKI, 4 iyul. TELEQRAF
Venesuelada ötən həftə baş verən iki güclü zəlzələ nəticəsində həyatını itirənlərin sayı 2645 nəfərə yüksəlib.
Teleqraf xəbər verir ki, bu barədə ölkənin İnformasiya Nazirliyi məlumat yayıb.
Məlumata görə, təbii fəlakət nəticəsində 12 mindən çox insan yaralanıb, təxminən 15 min nəfər isə evsiz qalıb.
Hazırda zəlzələnin fəsadlarının aradan qaldırılması və zərərçəkənlərə yardım göstərilməsi istiqamətində işlər davam etdirilir. Xilasetmə xidmətləri dağıntılar altında qalan şəxslərin axtarışı və infrastrukturun bərpası ilə məşğuldur.
Qeyd edək ki, iyunun 24-də baş verən zəlzələlər Venesuelanın bir sıra bölgələrində, xüsusilə də La Quayranın Karaballeda şəhərində ciddi dağıntılara səbəb olub.
