BAKI, 19 sentyabr. TELEQRAF

Türkiyə prezidenti Rəcəb Tayyib Ərdoğan sentyabrın 25-də ABŞ-a səfər edəcək.

Teleqraf xəbər verir ki, bunu ABŞ prezidenti Donald Tramp açıqlayıb.

ABŞ lideri Prezident Rəcəb Tayyib Ərdoğanı sentyabrın 25-də Ağ Evdə salamlamaqdan məmnun olduğunu bildirib: "Mən Prezidentlə çoxsaylı ticarət və hərbi sazişlər üzərində işləyirəm, o cümlədən “Boeing” təyyarələrinin genişmiqyaslı satışı, əhəmiyyətli bir F-16 müqaviləsi və müsbət nəticələndirə biləcəyimiz F-35 danışıqlarının davam etdirilməsi. Prezident Ərdoğanla hər zaman çox yaxşı münasibətim olub. Onu 25-də görməyi səbirsizliklə gözləyirəm!”.