BAKI, 5 avqust. TELEQRAF
ABŞ və NATO Ukraynaya dəstək üçün yeni mexanizm - Prioritetləşdirilmiş Ukrayna Tələblər Siyahısını (PURL) işə salır.
Teleqraf "Unian.net"ə istinadən xəbər verir ki, bu barədə Ukraynanın müdafiə naziri Denis Şmıqal bildirib.
Onun sözlərinə görə, yeni mexanizm assosiasiyaya üzv ölkələrə və tərəfdaşlara könüllü töhfələr hesabına Amerika silah və texnologiyalarının tədarükünü maliyyələşdirmək imkanı əldə edəcək.
Mexanizm Ukrayna tərəfinin Avropadakı Müttəfiq Qüvvələrin Ali Baş Komandanı tərəfindən təsdiq edilmiş müraciəti əsasında zəruri silah və sursatların siyahısının formalaşdırılmasını nəzərdə tutur.
Nəşr qeyd edir ki, yeni yardım paketləri mütəmadi olaraq elan ediləcək.
Bundan əvvəl ABŞ-nin NATO-dakı daimi nümayəndəsi Metyu Uitaker bildirmişdi ki, yaxın həftələrdə daha da çox Avropa ölkəsi Ukrayna üçün Amerika hərbi texnikası və sursatının alınması üçün vəsait ayrılacağını elan edəcək. Onun sözlərinə görə, bu istiqamətdə hərəkət mümkün qədər tez baş verir.
