BAKI, 21 mart. TELEQRAF

Martın 24-də Ər-Riyadda keçirilən danışıqlarda iştirak edəcək Ukrayna nümayəndə heyəti Rusiya nümayəndə heyəti ilə birbaşa əlaqə saxlamağı planlaşdırmır.

Teleqraf xəbər verir ki, bu barədə Ukrayna Xarici İşlər Nazirliyinin nümayəndəsi Georgi Tixiy məlumat verib.

“Biz ora ABŞ ilə ikitərəfli danışıqlar üçün gedirik", - XİN nümayəndəsi qeyd edib.

Tixiy əlavə edib ki, danışıqlar Ər-Riyaddakı hotellərdən birində baş tutacaq, orada Rusiya nümayəndə heyəti bir otaqda, Ukrayna nümayəndə heyəti isə digər otaqda olacaq. Buna baxmayaraq, Ukrayna tərəfi yalnız ABŞ ilə danışıqlar aparacağını bəyan edib.