BAKI, 20 mart. TELEQRAF

Rusiya prezidenti Vladimir Putin Suriyanın yeni rəhbəri Əhməd əl-Şaraya mesaj göndərib .

Teleqraf xəbər verir ki, bu barədə Kremlin mətbuat katibi Dmitri Peskov “RİA Novosti”yə açıqlamasında bildirib.

"Rusiya prezidenti Vladimir Putin Suriya dövlətinin başçısı Əhməd əl-Şaraya mesaj göndərib və mesajda o, ölkənin suverenliyinin təmin edilməsi maraqları naminə Suriyada vəziyyətin tez bir zamanda sabitləşdirilməsi səylərini dəstəkləyib", - Peskov vurğulayıb.