BAKI, 27 fevral. TELEQRAF

Fransanın məşhur “Le Point” jurnalının üz qabığında dərc etdiyi “Moskvanın adamı” başlıqlı məqalə böyük rezonans doğurub.

Teleqraf xəbər verir ki, yazıda ABŞ Prezidenti Donald Trampın Sovet İttifaqının agenti olduğu iddia edilir.

Jurnal 1990-cı illərin əvvəllərində "KQB"də (SSRİ Dövlət Təhlükəsizlik Komitəsində) agent kimi işləmiş və sonra Fransaya sığınan Sergey Jirnova istinadən bu iddianı səhifəsində işıqlandırıb.

Fransanın digər aparıcı media orqanları da bu məqaləni dərc ediblər.

İrlandiyanın "The Irish Star" qəzeti də Qazaxıstan Milli Təhlükəsizlik Komitəsinin keçmiş sədri Alnur Musayevin Trampın "KQB" tərəfindən ələ alındığına dair fikirlərini dərc edib.

Qeyd edək ki, Alnur Musayev bir neçə gün öncə "KQB"nin 1987-ci ildə Donald Trampı “Krasnov” təxəllüsü ilə ələ aldığını iddia edib.