TBİLİSİ, 4 mart. TELEQRAF
Ötən gün axşam saatlarında Gürcüstanın Acarıstan bölgəsinin Xulo rayonunun Satsixuri kəndində məscid yanıb.
Teleqraf-ın yerli bürosu xəbər verir ki, məscid mədəni isr abidəsi statusuna malik olub.
Satsixuri kənd məscidi 2006-cı ildə mədəni isr abidələri siyahısına daxil edilib.
Yanğının səbəbi hələ məlum deyil. Hadisə zamanı xəsarət alanların olmadığı bildirilir.
Gürcüstan Müsəlmanları İdarəsi dini ocağın yanğın nəticəsində dağılması ilə bağlı dərin kədərini ifadə edib. Qurum məscidin qısa zamanda bərpa olunacağına ümidvarlıq ifadə edib.
Qeyd edək ki, məscidin inşa tarixi XVIII əsrin sonu —XIX əsrin əvvəllərinə aid edilir.
