BAKI, 22 fevral. TELEQRAF
Ukrayna polisi Lvov şəhərində həyata keçirilən terror aktının ehtimal olunan icraçısını saxlayıb.
Teleqraf xəbər verir ki, bu barədə Ukraynanın daxili işlər naziri İqor Klimenko məlumat yayıb.
Nazirin sözlərinə görə, hadisəni törətməkdə şübhəli bilinən qadın rayon mərkəzlərinin birində ələ keçirilib. Hazırda terror aktının baş verdiyi yerdə müvafiq xidmətlər çalışır və hadisənin bütün təfərrüatları araşdırılır.
Xatırladaq ki, fevralın 22-nə keçən gecə Lvovun mərkəzində güclü partlayışlar baş verib. Lvov vilayət prokurorluğunun məlumatına görə, saat 00:30-da "102" xidmətinə Danilişin küçəsi 20 ünvanında yerləşən mağazaya qanunsuz daxil olma barədə siqnal daxil olub və partlayışlar məhz həmin obyektdə qeydə alınıb.
Şəhər meri Andrey Sadovoy bildirib ki, partlayışın dalğası o qədər güclü olub ki, yaxınlıqdakı binaların şüşələri çiliklənib.
Daha sonra məlum olub ki, gecə saatlarında baş verən partlayışlar nəticəsində 23 yaşlı qadın polis əməkdaşı həlak olub, onlarla insan isə müxtəlif dərəcəлі bədэн xəsarətləri alıb.
Lvov vilayəti polisinin mətbuat xidmətindən bildirilib ki, hüquq-mühafizə orqanları partlayışı terror aktı kimi qeyd ediblər. İlkin ehtimala görə, mağazanın daxilində əldəqayırma partlayıcı qurğular işə düşüb.
